ជនសង្ស័យពាក់ព័ន្ធបទល្មើស២១នាក់ បញ្ជូន ទៅតុលាការ
04-April-2016 | ដោយ មែន កំសត់
ភ្នំពេញ៖ សមត្ថកិច្ចអាវុធហត្ថរាជធានីភ្នំពេញ បានបញ្ជូនក្រុមជួញដូរ និងប្រើប្រាស់គ្រឿងញៀនចំនួន១២នាក់ និងអំពើឆក់ចំនួនប្រាំបួននាក់ ទៅតុលាការជាបន្តបន្ទាប់កាលពីថ្ងៃទី២និងទី៣ ខែមេសា ឆ្នាំ២០១៦។
មន្ត្រីអាវុធហត្ថរាជធានីភ្នំពេញ បានឲ្យដឹងថា មុខសញ្ញាជួញដូរ និងប្រើប្រាស់គ្រឿងញៀន១២នាក់ ដែលអាវុធហត្ថរាជធានីភ្នំពេញ បានធ្វើការស្រាវជ្រាវ និងតាមដានអស់រយៈពេលជាយូរមកហើយ។ ត្រូវបានបង្ក្រាបនៅថ្ងៃទី១ ខែមេសាឆ្នាំ២០១៦នៅលើផ្លូវវេងស្រេង ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ និងភូមិត្រពាំងឈូក សង្កាត់ទឹកថ្លា ខណ្ឌសែនសុខ។កម្លាំងអាវុធហត្ថខណ្ឌមានជ័យ សហការជាមួយការិយាល័យប្រឆាំងគ្រឿងញៀនកងរាជអាវុធហត្ថរាជធានីភ្នំពេញ។ ក្នុងការបង្ក្រាបនោះដែរ សមត្ថកិច្ចបានដកហូតថ្នាំញៀនជាក់សែ្តងបានចំនួន១០កញ្ចប់ និងដបជក់ថ្នាំមួយចំនួន និងបានបញ្ជូនទៅតុលាការនៅថ្ងៃសៅរ៍ ទី២ ខែមេសា ឆ្នាំ២០១៦។
មន្ត្រីអាវុធហត្ថបានឲ្យដឹងទៀតថារីឯ ក្រុមចោរឆក់ចំនួនប្រាំបួននាក់ដែលអះអាងថាធ្លាប់ឆក់ចំនួន២០០ដងធ្វើ ឲ្យមានការភ្ញាក់ផ្អើលពេញបណ្តាញសង្គមហ្វេសបុកនោះក៍កម្លាំង កងរាជអាវុធហត្ថរាជធានីភ្នំពេញ បញ្ជូនទៅតុលាការហើយផងដែរ នៅព្រឹកថ្ងៃអាទិត្យ ទី៣ ខែមេសា ឆ្នាំ២០១៦។ តាមចម្លើយសារភាពរបស់ក្រុមចោរឆក់ទាំងប្រាំបួននាក់ បានសារភាពថា ក្រុមពួកគេមានគ្នាជាង១០នាក់ក្នុងនោះ មានអ្នកខ្លះបានចូលរួមឆក់ជាង២០០ដង ខ្លះជាង៦០ដង ឯខ្លះទៀតច្រើនពេកចាំមិនអស់ ដោយភាគច្រើនពួកគេធ្វើសកម្មភាពឆក់ នៅក្នុងខណ្ឌដូនពេញ ចំការមន ៧មករានិងទួលគោក។ ក្នុងនោះចំណុចដែរពួកគេចាំច្បាស់មានដូចជា៖ នៅចំណុចក្រោយព្រះបរមរាជវាំង, ឃ្លាំងរំសេវ, ក្បែរអង់តែនទូរទស្សន៍ជាតិ, កោះពេជ្រ, ក្តាន់ពីរ, ផ្សារកណ្តាល, សាលាស៊ីសុវត្ថិ, ផ្លូវកម្ពុជាក្រោម និងមានកន្លែងផ្សេងៗទៀតជាច្រើន៕
ចំនួនអ្នកទស្សនា
- ថ្ងៃនេះ14281
- ម្សិលមិញ15681
- សប្តាហ៍នេះ73121
- ខែនេះ95001
- ឆ្នាំនេះ95001
- សរុប20537457